ကွယ်ရာမှာ ကိုယ့်ရဲ့အတင်းပြောတာတွေကို ဥပေက္ခာပြုထားပါ။
✳️ကိုယ့်ကိုမလိုလို့၊ မနာလိုလို့၊
ကွယ်ရာမှာ ကိုယ့်ရဲ့အတင်းပြောတာတွေ၊ အပြစ်ပြောတာတွေကို ဂရုမစိုက်ဘဲ
ဥပေက္ခာပြုထားပါ၊
ကိုယ့်ကို- ဟိုလို•••ဒီလို••• ပြောရမလားဆိုပြီးတော့ ခံစားပြီးတော့ မနေပါနဲ့၊
ကိုယ့်ရဲ့ တန်ဖိုးရှိတဲ့ အချိန်တွေကို
မဖြုန်းတီးလိုက်ပါနဲ့။
✳️ကိုယ်ကလည်းပဲ ‘ဘယ်သူက အကောင်းလုပ်တာ/မကောင်းလုပ်တာ’စသည်ကို ဝေဖန် သုံးသပ်ပြီး ကိုယ့်ရဲ့ရခဲလှတဲ့လူ့ဘဝ၊ တန်ဖိုးရှိတဲ့ အချိန်တွေကို
မဖြုန်းတီးလိုက်ပါနဲ့။
✳️ကိုယ့်ရဲ့ တန်ဖိုးရှိတဲ့ အျိန်တွေ
ကိုယ်က ဘယ်လိုတန်ဖိုးရှိအောင်
အသုံးချနေလဲ၊
ရခဲလှတဲ့လူ့ဘဝကို
ဘယ်လို တန်ဖိုးတက်အောင်
လုပ်နေလဲဆိုတာကို
ကိုယ့်ကိုယ် သုံးသပ်ဆင်ခြင်ပြီးတော့
နေပါတဲ့။
☸️ဒါကိုမြတ်စွာဘုရားရှင်
ဓမ္မပဒဒေသနာတော်မှာ-
“န ပရေသံ ဝိလောမာနိ၊
နပရေသံ ကတာကတံ။
အတ္တနောဝ အဝေက္ခေယျ၊
ကတာနိ အကတာနိစ။”လို့
အတိကျဟောတော်မူခဲ့ပါတယ်။
✳️ဒါ့ကြောင့် တရားချစ်ခင် သူတော်စင်များ ကိုယ့်ကိုယ်သာလျှင်
ငါအကောင်းလုပ်နေသလား/မကောင်းလုပ်နေသလား လက်ရှိဘဝမှာ
ကြီးပွါးချမ်းသာအောင်၊ နောင်ဘဝမှာလည်း ကြီးပွါးချမ်းသာအောင် ကိုယ့်ရဲ့တန်ဖိုးရှိတဲ့ အချိန်တွေ ဘယ်လိုတန်ဖိုးရှိအောင် အသုံးချနေလဲဆိုတာကို
ဆင်ခြင်သုံးသပ်ပြီး နေပါ။
~တရားတော်ကိုနာယူရန် https://youtu.be/D4FHhQGfrTg?si=g0hV4sG7hpuhLzvl
#ဓမ္မဒါနအဖြစ်ဖြင့် #ဓမ္မအာလောကမှ #ရေးသားပူဇော်ပါသည်
Comments
Post a Comment