ပုညကြိယဝတ္ထု (၁၀) ပါး
ပုညကြိယဝတ္ထု (၁၀) ပါး
************************
(ပုည - ကောင်းမှု + ကြိယ - ပြုသင့်ပြုထိုက်သော + ဝတ္ထု - တည်ရာ)
ကောင်းသောအကျိုး၏ တည်ရာဖြစ်၍ ပြုသင့်ပြုထိုက်သော ကောင်းမှုကုသိုလ် (၁၀) ပါး
၁။ ဒါန - ပေးကမ်းလှူဒါန်းမှု
၂။ သီလ - ၅ ပါး, ၈ ပါး, ၁၀ ပါး စေသော သီလဆောက်တည်မှု
၃။ ဘာဝနာ - ကမ္မဋ္ဌာန်း စီးဖြန်းမှု
၄။ အပစာယန - အသက်သိက္ခာ ဂုဏ်ကြီးသူအား အရိုအသေပြုမှု (သီလ)
၅။ ဝေယျာဝစ္စ - သူများကုသိုလ်ကိစ္စ၌ ကူညီဆောင်ရွက်မှု (သီလ)
၆။ ပတ္တိဒါန - မိမိရသော ကုသိုလ်အဖို့ဘာဂကို အမျှဝေမှု (ပတ္တိ - ရအပ်သော ကုသိုလ်အဘို့ကို + ဒါန - မိမိကဲ့သို့ အညီအမျှ ရစေခြင်း) (ဒါန)
၇။ ပတ္တာနုမောဒန - မိမိသို့ ရောက်လာသော ကုသိုလ်အဘို့ကို ဝမ်းမြောက် ဝမ်းသာ သာဓုခေါ်မှု (ပတ္တ - ကောင်းမှုရှင်တို့က အမျှဝေသဖြင့် မိမိထံ ရောက်လာသော ကုသိုလ်အဘို့ကို + အနုမောဒနာ - ဝမ်းမြောက်စွာ သာဓုခေါ်မှု) (ဒါန)
၈။ ဓမ္မဿဝန - တရားနာမှု (ဘာဝနာ)
၉။ ဓမ္မဒေသနာ - လာဘ် လာဘကို မငဲ့ဘဲ တရားဟောမှု (ဘာဝနာ)
၁၀။ ဒိဋ္ဌိဇုကမ္မ - အယူကို ဖြောင့်မတ်စွာ ယူမှု (ဘာဝနာ)
ဆောင်။
။ဒါန သီလာ,
ဘာဝနာ,
သုံးဖြာ စဉ်၍ ခင်း,
စ နှစ်ကို လယ်,
လယ် နှစ်ကို စ,
နောက်မှ နောက်ချင်း သွင်း။
Comments
Post a Comment